წიგნის სადისტრიბუციო კომპანია „წიგნის სამყარო“ 2005 წლის მარტში დაარსდა და მას შემდეგ წარმატებით განაგრძობს მუშაობას.
კომპანია მონაწილეობს ყველა იმ ღონისძიებაში, რაც წიგნის სფეროში არსებულ სიახლეებს და სხვადასხვა საინტერესო პროექტს უკავშირდება. ყოველწლიურად ვმონაწილეობს თბილისის წიგნის ფესტივალზე, ფრანკფურტის წიგნის საერთაშორისო ფესტივალზე, სადაც წიგნის ერთ–ერთი ყველაზე დიდი და მასშტაბური გამოფენა–გაყიდვა იმართება.
კომპანია თანამშრომლობს უცხოურ კომპანიებთან, რომელთა დახმარებითაც „წიგნის სამყარომ“ არაერთი საინტერესო პროექტის განხორციელება შეძლო. კომპანია წიგნის ბაზარზე ნერგავს ნოვატორულ იდეებს, რომელიც მკითხველ–მომხმარებელთა ინტერესებს და მათ გემოვნებას ითვალისწინებს, შესაბამისად სრულფასოვან მომსახურებას უწევს მათ.
ამ და სხვა მიზეზთა გამო „წიგნის სამყარო“ წიგნის ერთ–ერთი მოქნილი და მომხმარებელთა ინტერესებზე ორიენტირებული სადისტრიბუციო კომპანიაა საქართველოს მასშტაბით.
კომპანია პარტნიორებთან ერთად არაერთი მნიშვნელოვანი და წარმატებული პროექტის თანაავტორია, როგორიცაა მაგალითად წიგნის მაღაზიათა ქსელი „ლიბრა“, რომელიც გამოირჩევა მომსახურების მაღალი ხარისხითა და წიგნების მრავალფეროვანი ასორტიმენტით. წიგნის სამყაროში მიმდინარე პროცესების საზოგადოებისათვის ფართოდ გაცნობის მიზნით გამოსცეს ჟურნალი „წიგნი და სამყარო“.
ნანახია: 1240
თარიღი: შაბათს, 17 დეკემბერს 2011
|